Müəlliflər üçün qaydalar

Məqalə Azərbaycan və ya ingilis dilində göndərilə bilər; hər iki halda AZ və EN annotasiya tələb olunur.

• Həcm: 6 000–9 000 söz (ədəbiyyat siyahısı istisna olmaqla)
• Format: DOCX, Times New Roman 12 pt, sətir arası 1,5
• Annotasiya: 200–250 söz, 5–7 açar söz
• Bütün müəlliflər üçün ORCID identifikatoru məcburidir

1. Başlıq və müəlliflər — başlıq 12 sözdən çox olmamalı; müəlliflər üst indekslə təşkilatlara bağlanır.
2. Annotasiya — məqsəd, metod, əsas nəticə və tətbiq sahəsi (200–250 söz).
3. Giriş — problemin qoyuluşu, ədəbiyyat icmalı və tədqiqat sualları.
4. Metodologiya — seçmə, alətlər, etik icazələr və təhlil üsulları.
5. Nəticələr və müzakirə — cədvəl və qrafiklərə mətndə istinad edilməlidir.
6. Ədəbiyyat siyahısı — ən azı 20 mənbə; son 5 ilin işləri 40%-dən az olmamalı.

Mətndaxili istinadlar kvadrat mötərizədə nömrə ilə verilir: [4], [7, s. 112]. Ədəbiyyat siyahısı mətndə rast gəlinmə ardıcıllığı ilə nömrələnir.

Nümunə: Əliyev K. Təhsildə qiymətləndirmə: nəzəriyyə və praktika. — Bakı: Elm və Təhsil, 2021. — 284 s.

• Məqalə əvvəllər dərc olunmayıb və digər jurnalda baxılmır
• AZ və EN annotasiya (200–250 söz) və 5–7 açar söz hazırdır
• Bütün müəlliflər üçün ORCID və təşkilat məlumatları göstərilib
• İstinadlar nömrələnmiş formatda, mətndəki ardıcıllıqla verilib
• Cədvəl və qrafiklər ayrı fayl kimi əlavə olunub (300 dpi)
• Maraq münaqişəsi və maliyyə mənbəyi barədə bəyanat daxil edilib

Bütün məqalələr antiplagiat sistemində yoxlanılır. Oxşarlıq həddi 15%-i (mənbə göstərilmiş sitatlar istisna) keçdikdə məqalə rədd edilir və müəllifin növbəti göndərişləri 12 ay müddətində qəbul olunmur.