ŞƏHİD ANASI

A Aynur

30 İyun 2025, 11:52 1 dəq oxuma

Çəkil, dayan bir kənarda,

Bir vüqarlı ana gəlir.

“Oğul” – deyir, qürurlanır,

REKLAM

728 × 90

Məqalə daxili — 3-cü abzasdan sonra

Həmdə yana-yana gəlir.

O, ağı qaradan seçir,

Xəyalı dolanır, köçür,

Xankəndi, Şuşadan keçir,

Ruhu Zəngilana gəlir.

Dərddən oyana bilməyir

Getsin hayana bilməyir,

Evdə dayana bilməyir,

Durur qəbristana gəlir.

Ötən bu ananı görür,

Yetən bu ananı görür,

Vətən bu ananı görür,

Qürurlanır cana gəlir.

Qəlbindəki dağa baxır,

Bu dəmə, bu çağa baxır.

Üçrəngli bayrağa baxır,

Qəlbi gülüstana gəlir.

Eyvaz Səmədov

Gundelik.az

Xəta tapdınız? Mətni seçib Ctrl + Enter basın — redaksiyaya göndərilsin.

Əlaqəli xəbərlər